( الشورت )

القفلات ( الشورت )منقول للافاده

ا احنا طبعا عارفين ان الموبايل عباره عن مجموعه دواير واي دايره بتوصل بين بدايه ونهايه واحنا بنسمي الوصله دي مسار والمسارات مش زي بعض يعني في مسار بيوصل فولت زي المسارات التغذيه من ic الباور او موجب البطاريه وفيه مسار بيوصل تردد او اشاره .زي الواي فاي والبلوتوث والراديو والشبكه ودي في الغالب مبتتسببش قفلات الا اذا كان فيه مشكله في الفولت اللي بيغذيها .

* مسببات القفله

القفله بتحصل في المسارات اللي بتوصل فولت في الدايره والمسار بيكون ف الحاله دي موجب يعني مينفعش يحصل فيه تلامس مع الارض . اللي بيسبب القفله ان المسار الموجب ده لمس ارضى (سالب)

بس خلي بالك من حاجه مهمه جدا ان القفلات انواع حاول تفهمهم كويس. يعني في قفله ممكن تسبب فصل الجهاز باور وفي قفله ماتفصلش الجهاز باور

ا (النوع الاول )

قفله خفيفه او بسيطه

وفي النوع ده الموبايل بيجيلك شغال باور طيب بتعرفها ازاي

اولا ممكن اول ماهتوصل الموبايل علي الباور سبلاي من غير ماتضغط علي مفتاح الباور هتلاقي الموبايل ساحب سحب بسيط وده هيكون تحت 1/4 امبير ( 250مللي امبير ) وهيثبت علي كده خلي بالك الموبايل لسه ما اشتغلش ابدأ كده اضغط علي مفتاح الباور للتشغيل وراقب السحب بدقه . هيسحب معاك الموبايل عادي جدا بس اللي تخلي بالك منه مؤشر الامبير لحد ما يوصل لوضعيه( standby ) يعني المؤشر هينزل تدريجيا بس المشكله هنا ان المؤشر هيثبت معاك نفس السحبه اللي سحبها قبل التشغيل ومش هينزل لزيرو .

الحل

1-ممكن تكون السحبه دي كهرباء او فولت زياده وده سهل تفريغه من غير ما افك الموبايل وبالجفت وتعالي علي ريش البطاريه واقفل علي الريشه السالب والريشه الموجب 20 ثانيه مثلا ماتطولش .وارجع وصل الموبيل عالباور سبلاي لو راح الشورت تمام ولو لسه موجود يبقي ندخل عالخطوه الجايه.

2- فك الموبايل وشيل ملحقاته اللي هي الكاميرا اماميه وخلفيه والشاشه تمام كده . جرب البوردا علي الباور سبلايلو المشكله اختفت يبقي اي حاجه من الملحقات كانت عامله مشكله وده وارد يحصل . طيب لو جربت ونفس المشكله موجوده . حط البوردا قدامك ودايما تدي لنفسك وقت للفحص العيني يعني تبص علي البوردا ويستحسن تحت عدسه مكبره ( ولو امكن ميكروسكوب ) وشوف كويس اللي هقولك عليه ممكن يكون في اكسده  اوتمليح علي سوكيت الشحن -ريش البطاريه -سوكيت الشاشه -الايسيهات -المكونات الالكترونيه زي المكثفات والملفات ونظف البوردا علي قد ماتقدر ونشف كويس بهواء دافي متتضمنش البنزين يمكن يكون مخلوط بمياه وده هيسبب خطوره .

ملحوظه:ا ممكن تكون شكوي العميل من تسريب للشحن او سخونه في الموبايل.

اسأل العميل الاول قبل ماتشتغل في الجهاز عن مثلا الجهاز اتخبط منه او وقع ف مياه لان ده بيوفر عليك كتيرا .

النوع الثاني

قفله ( سحب بدون ضغط عل المفتاح )

والنوع ده الجهاز هيجيلك فاصل باور هتوصله هيسحب لوحده من غير ضغط علي مفتاح الباور جرب سيب الجهاز شويه عالباور سبلاي وجرب اضغط عالمفتاح مش هيسحب معاك عالباور سبلاي

ا الحل

1-عود نفسك اي قفله افحص كويس ونظف البوردا كويس وجرب لو ما اشتغلش.

2-الباور ic هيكون هو السبب . باذن الله

ا النوع الثالث

سحب عالي

والنوع ده هنقسمه لحالتين :-

اولهم بيجيلك الموبايل شغال باور بس هيسحب اعلي من المعدل الطبيعى بتاعه ودايما لو لقيت سحب عالي هتلاقي سخونه في الموبايل ومؤشر الامبير مش هينزل للزيرو وهتلاقي الحركه مش طبيعيه يعني هيرفع معاك سحب حتي بدون استهلاك .

الحل

1- زي الخطوات اللي فاتت افحص البوردا كويس وشيل الملحقات ووصل البوردا بس وامشي بايدك علي اجزاء البوردا لحد ماتلاقي سخونه . في الحاله دي افحص المنطقه دي كويس تحت عدسه طيب لو ملقتش حاجه ملحوظه زي اكسده وخلاقه .

2- شوف مكان السخونه ممكن تلاقي ic بيسخن قبل ما تتعامل

مع ال ic قيس ممانعه علي المكثفات المجاوره للic والمفروض ان المكثف لوسليم هيديلك صوت بازر في طرف والطرف الاخر لا نسمع فيه صوت بازر ده كده يبقي المكثف سليم اما لو المكثف تالف هتسمع صوت بازر من الطرفين في قياس الممانعه .

والمكثفات هي اكثر العناصر التي تسبب قفله لان اغلبها يكون توصيله علي التوازي يعني طرف من المكثف علي المسار الموجب وطرفه التاني موصل بالارضي ولو حصل ان المكثف تعرض للتلف هيوصل للمسار الموجب فهنا هيحصل شورت او قفله.

3- لو لقيت قفله في اى مكثف ارفعه من مكانه وقيس المكثفات الباقيه في حاله لو لم تجد مكثفات اخري بها شورت او قفله يبقي انت حليت المشكله والic مكانش سبب السخونه بس المكثفات متصله بيه فسببتله سخونه . ووصله عالباور سبلاي وبرده شوف السحب هو اللي هيحكم كان ايه قبل كد ودلوقتي ايه يعني المؤشر هينزل لزيرو يبقي معدش فيه استهلاك عالي للفولت داخل الموبايل.

اما في حاله وجود اغلب المكثفات بها شورت هيكون السبب كده في الشورت وفي الحاله دي يتغير .

4- ركز علي الملفات الدائريه او الملفات الكبيره اسمر بطرفين معدن وهذه الملفات تكون متصله بدائره الاضاءه والبيانات .وده لان الشاشه من اكتر الدواير بتستهلك فولت وبالاخص الشاشات اللي حجمها كبير فى الهواتف الحديثه فبتتلف بسرعه ولو لقيت عليهم سخونه اكتشف الشورت بالافو ....

باذن الله في تكمله لباقي انواع الشورت وبإذن الله علي قدر استطاعتي هنزل كل يوم بوست زي كده لعل احدا منه يفاد افادنا الله وإياكم رجاءا لا تنسوني من دعائكم